Galeano - 8an de julio - La porĉiama ŝtatestro
En 1994, mortis la senmortulo. Li mortis, sed ne mortis. Laŭ la Konstitucio de NordKoreio, verkita de li mem, Kim Il Sung naskiĝis je la unua tago de la Nova Erao de la Homaro, kaj estas Porĉiama Prezidanto. La Nova Erao, inaŭgurita de li, daŭras; kaj ankaŭ li: Kim Il Sung daŭre ordonas per siaj statuoj, kiuj estas la plej altaj konstruaĵoj en la lando.