Galeano - 7an de februaro - La oka fulmo
Roy Sullivan, Arbar-gardisto en Virginio, naskiĝis en 1912, je tiu ĉi dato, kaj travivis sep fulmojn dum sepdek jaroj; en 1959, fulmo forigis ungon de unu el siaj piedfingroj; en 1969, alia fulmo bruligis liajn brovojn kaj palpebro-harojn; en 1970, alia fulmo rostis lian maldekstran ŝultron; en 1972, alia fulmo lin senhararigis; en 1973, alia fulmo vundis liajn krurojn; en 1976, alia fulmo truigis lian maleolon; en 1977, alia fulmo kalcinis lian bruston kaj ventron. Sed ne venis el ĉielo la fulmon kiu lin mortigis, en 1983. Onidire ĝi estis ina vorto, aŭ silento. Onidire.